deripada itu dua-blas tahun, itu raja sudah dapat tahu dia ta'boleh paksa orang ikut dia punya aturan smbahyang, dan sbab itu dia lpaskan smoa orang yang sudah kna tutop dalam jel sbab dia punya agama. Bila John Bunyan sudah lpas deri jel, dia suroh orang chap ini chrita dalam bhasa Inggris. dan deri-pada itu waktu sampai skarang (dkat 250 tahun lamanya) smoa bangsa orang banyak suka bacha ini chrita, kerna orang sudah pindahan dia dalam hampir smoa bhasa.
Ada brapa puloh tahun dhulu satu tuan yang pandai skali sudah pindahkan ini chrita dalam bhasa orang Mlayu ; ttapi sbab dia pakai perkata'an yang dalam-dalam, terlampon susah orang China peranakan mngerti, dan sbab itu kita bharu pindahkan ini chrita dalam bhasa Mlayu peranakan, spaya smoa orang China dan nonya-nonya yang chakap Mlayu boleh mngerti baik-baik. Skali-kali kita t'ada pakai perkata'an yang dalam-dalam atau yang orang susah mngerti, mlainkan dalami agama punya perkara ada juga sdikit perkata'an yang orang t'ada pakai s-hari-hari, ttapi kita msti pakai dia dalam ini machani chrita ; dan sbab itu kita sudah kumpolkan itu machani perkata'an dan sudah kas dia punya arti, spaya siapa-siapa yang jumpa satu perkata'an yang dia ta'boleh mngerti boleh chari itu perkata'an dkat muka 244, dan blakang boleh tahu dia punya arti.
Lagi pun dalam ini chrita ada hanyak nama orang dan nama tmpat yang kita sudah kumpolkan, dan sudah taroh Inggris-nya yang John Bunyan sudah pakai, spaya orang yang tahu bhasa Inggris boleh bandingkan dan boleh mngerti lagi baik ; ini nama-nama sparoh-nya trangkan itu orang punya prangai atau itu tmpat punya hal, ttapi sparoh-nya John Bunyan sudah pungut deri da Kim Kitab Allah (Bible), dan siapasiapa mau dapat mngerti itu macham nama msti chari dalam Kitab Allah. l)i mana-mana John Bunyan sudah pungut apa-apa deri dalam Kitab Allah, kita sudah taroh satu tanda, dan di bawah dkat itu muka punya kaki boleh dapat nama buku dalam Kitab Allah di mana kita msti chari itu perkara, bgini: Yashaya 64 : 6, arti-nya fasal (chapter) G4, dan ayat (verse) 6, dalam itu buku yang bernama Yashaya (Isaiah). Lagi pun kita sudah kasi nama-nama smoa buku dalam Kitab Allah, Mlayu dngan lnggris-nya ; tengok muka 237.
Dalam ini buku ada 24 gambar yang bharu skali. Tuan C. W. Bradley, yang sudah datang di Singapura deri Amerika tahun dhulu, sudah tulis ini gambar smoa, dan dia sudah tulis btul sperti rupa orang dan rumah-rumah dan pokok-pokok yang kita tengok sini s-hari-All Rights Reserved, National Library Board, Singapore
